மழையே !
அழகியென இறங்கினாய் ஆகாயத்தில் இருந்து !
நீ வரும் செய்தி சொன்ன காற்றிற்குக் காது கொடுத்தேன்.
அக்கணமே என் மனம் மாறியதேனோடி !
உன் பொழிவைக் கண்டு நான் பயந்ததேனடி !
இலைகளைக் குடையென விரித்தேனே !
தூய்மையில் துயர் எழுமோ !
உன் துளிகளை எதிர்த்து நான் தோளில் கவசம் தாங்கியதேனோ !
ஏது நினைத்தேன் !
கோமாளிகளின் கோமகன் நானோ !
அவரவர் மதி தான் ஆயிரம் சதி செய்யினும்,
விதியின் பக்கம் தானே வெற்றி !
என் செருக்குச் சிம்மாசனம் சிதைய,
இலைகள் நிலை குலைய,
கவசங்கள் கரைய,
கிளைக்குயில்கள் குதூகலித்துக் குலவையிட,
என் அச்சத்தை துச்சமென உதறி,
என் உதிரமென உருமாறி,
வேர் தொட்டு உயிர் விதைத்தாயே !
மரமென ஆனேன் நான் !
மண்ணுலகில் உன் துதி பரப்ப !
YaanAvanIvanEvan 